O’YLASH UCHUN 6 QALPOQ — FIKRLASH DOIRANGIZNI OSHIRING! SAMARALI MULOHAZA QILING!
Kembridj, Oksford, Garvard universitetlarining faxriy medali bilan taqdirlangan De Bono asli Maltalik doktor, ixtirochi va maslahatchi. Uning 6 Qalpoq muhokama usulini nafaqat mashxur shahslar balki dunyodagi katta korporatsia (IBM, Apple, Google, v.h.k.) ish boshqaruvchilari o’z majlislarida samaradorlikni oshirish uchun qo’llaydilar. Uning shu mavzuda yozgan “Six Thinking Hats” (“O’ylash uchun 6 qalpoq”) kitobi Jahonda eng ko’p sotilgan kitoblar ro’yxatida turadi.
Kitobda asosan nafaqat yolg’iz, balki ko’pchilik — jamoa bo’lib qanday fikr yuritishga keng urg’u beriladi. “Brainstorm” uchun ajoyib qo’llanma.
1-Qalpoq: “Oq Qalpoq” — Ma’lumot to’plash
Avval muhokama oldidan “oq qalpoq” (shlyapa deymiz keyingi joylarda, “qalpoq” desa shu nomli ko’rsatuv esimga kelyapti) kiyib olinadi. Oq shlyapada o’ylayotgan kishi, hech qanday ehtiroslarga berilishi mumkin emas. Bu bosqichda mavzu haqida faqat faktlar, raqamlar, materiallar to’planadi. Hech qanday ehtiroslarsiz. Sizdan “Bu ish to’g’rimi yoki noto’g’rimi?” degan savolga javob so’ralmaydi. Sizni bu mavzu haqidagi shaxsiy fikringiz ahamiyatsiz. Sizdan faqat faktlar to’plash so’raladi. Siz ham boshqalardan huddi shularnigina talab qila olasiz. Haqiqiy obyektiv bosqich.
2-Qalpoq: “Qizil Qalpoq” — Shaxsiy fikrlar, yurak nima deydi?
Qizil shlayapa bu ehtiroslar shlayapasi. Uni kiygan kishilardan ularning masala haqidagi shaxsiy fikrlari so’raladi. Faktlarni bir chekkaga surib qo’yib, aslida siz nima demoqchiligiz bilan qiziqiladi. Bu qalpoq sizga boshqalarni fikrlarini so’rashingizga yordam beradi. Qizil qalpoq ehtiroslar shlyapasi, mavzu yoki muammo haqida yuragingizda borini to’kib soling.
3-Qalpoq: “Qora Qalpoq” — Ehtiyotkorlar uchun
6 qalpoq sistemasining yuragi, eng ko’p ishlatiladigan qismi. Qora shlyapa yordamida siz va jamoangiz masala yoki mavzuning faqat yomon taraflarini muhokama qilishadi. Muhokama qilinayotgan mavzuning qanday yomon taraflari bor, salbiy oqibatlari nima bo’lishi mumkin, yoki qanday boshqa “minus” taraflari borligi bilan qiziqiladi. “Agar bu tavsiya asosida boradigan bo’lsak, qanday mashaqqatlarga duch kelishimiz mumkin” yoki “Qanday qiyinchiliklar kelajakda bizni kutmoqda” kabi savollarga javob beriladi. Qora qalpoq sizni bir lahzada pessimistga aylantiradi, ko’proq ishlating — ishingiz puxta bo’ladi.
4-Qalpoq: “Sariq Qalpoq” — Hayotga yorqin qarang!
Bunisi qora qalpoqning teskarisi. Bu qalpoq yordamida, muhokama qilinayotgan masalani qanday yaxshi tomonlari borligi o’rganiladi. Ko’tarilayotgan mavzu yoki tavsiya qanday foydali qirralarga ega ekanligi muhokama qilinadi. Bu shlayapa optimistlar uchundir.
5-Qalpoq: “Yashil Qalpoq” — Alternativ fikrlash
Yashil shlyapa bu muhokamaning eng qiziqarli bosqichidir. Tavsiya etilayotgan narsa yoki muhokama qilinayotgan yechimga alternativ variantlar (muqobil yechimlar) keltiriladi. Bu qalpoq yangilikka intiluvchilar uchun. Bu bosqichda yangicha tavsiyalar, keng fikrlab ixtirolar qilish tavsiya qilinadi.
6-Qalpoq: “Moviy Qalpoq” — Qalpoqlarning otasi
Barchasini nazorat qiluvchi qalpoq. Bu qalpoq bilan xulosalar yasaladi, fikrlashning yo’nalishi o’zgaradi. Moviy qalpoq muhokama uchun 6 qalpoq metodikasini ishlatish kerakmi yoki kerak emasmi, shuni aniqlaydi. Yoki muhokama oxirida hulosa yasaydi.
Xulosa O’rnida
Kitob juda qiziqarli, keltirilganlar hamir uchidan patr. Kitobda har bir qalpoq odatda qanday vaziyatlarda ishlatilishi haqida keng to’xtalinadi.
Kitobni Yuklab Olish (English)2012-yil. Fikrbank arxividan.